Палата аталмыш заң жобасын бұған дейін 2021 жылдың 7 сәуіріндегі бірінші оқылымда мақұлдаған. Жобаны қарау барысында депутаттар заң жобасын енгізу мақсаттарын күшейтуге түзетулер енгізді.
ҚР Парламенті Мәжілісінің депутаттары «Қазақстан Республикасының кейбір заңнамалық актілеріне жер қатынастары мәселелері бойынша өзгерістер мен толықтыру енгізу туралы» заң жобасын екінші оқылымда мақұлдады, оның негізгі мақсаты шетелдік жер пайдаланушылардың, Қазақстан Республикасының шетелдік қатысуы бар заңды тұлғаларының, сондай-ақ ауыл шаруашылығы мақсатындағы жер учаскелерін жеке меншік құқығымен және жер пайдалану құқығымен қандастардың иеленуіне тыйым салуды енгізу болып табылады.
«Атап айтқанда, заңды тұлға қатысушыларының құрамына шетелдік азаматтар мен заңды тұлғалар, шетелдік қатысу үлесі бар бірлескен кәсіпорындар кірген жағдайда, сондай-ақ заңды тұлға қатысушысының Қазақстан Республикасының азаматтығы тоқтатылған кезде ауыл шаруашылығы жерлерін иеліктен шығару рәсімдері көзделген. Бұдан басқа, Қазақстан Республикасының қолданыстағы заңнамасына сәйкес келтіруге бағытталған редакциялық-нақтылау сипатындағы түзетулер қабылданды, сондай-ақ заң жобасының ережелері бір-бірімен үйлескен. Мәжілістің барлық комитеттері аталған заң жобасы бойынша оң қорытындыларды ұсынды. Мүдделі уәкілетті органдар, саяси партиялар, қоғамдық ұйымдар, ауыл шаруашылығы тауарларын өндірушілер өкілдерінің қатысуымен жұмыс тобының үшінші отырысы Бас комитеттің екі кеңейтілген отырысы өткізілді», — деп хабарлады Мәжілістің аграрлық мәселелер комитетінің хатшысы Берік Оспанов.
Парламенттің төменгі палатасының депутаттары заң жобасын қолдады, енді ол Сенатқа одан әрі қарауға жіберілді.