Қытай тарапы Ресейге Украинада соғыс жүргізу үшін қару түрінде әскери көмек көрсетуге ниетті емес екенін растады. Бұл туралы Америка Құрама Штаттарының Мемлекеттік хатшысы Энтони Блинкен Қытай өкілдері қатысқан екі күндік келіссөздерден кейін мәлімдеді.
Блинкен өз сөзінде «Қытай бізге және басқа да елдерге Ресейге Украинаға қарсы қолдану үшін қару-жарақты жеткізбейтіні және көмектеспейтіні туралы сөз берді», — деп атап өтті. Алайда ол кейбір қытайлық компаниялар Украинаға қарсы агрессивті соғыста Ресей пайдаланатын технологияларды жіберіп жатқанына қатысты алаңдаушылық білдірді.
Айта кету керек, Блинкеннің Қытайға сапары өткен жылы G20 саммитінде АҚШ президенті Джо Байден мен Си Цзиньпин арасындағы келісім аясында жоспарланған болатын. Ол 2023 жылдың ақпанында сапармен баруы тиіс еді, бірақ шпиондық шарларға байланысты оқиғадан кейін сапары кейінге қалдырылды. Байден сондай-ақ алдағы айларда Қытай төрағасыен кездесуге үмітті екенін мәлімдеді.
Келіссөздер нәтижесінде АҚШ пен Қытай жариялаған бірлескен коммюникада Украина туралы сөз болмады, бұл екі ел арасында бұл мәселе бойынша нақты келісімдердің жоқ екенін көрсетеді.