Ресейлік дәрігерлер саяси қайраткер Алексей Навальныйдың уланғаны туралы нұсқаны қарап шықты, бірақ растамады. Бұл туралы медициналық сарапшы, Пирогов атындағы орталықтың № 1 анестезиология-реанимация бөлімінің меңгерушісі Борис Теплых айтты.
Оның бағалауынша, “Шарите” (Charite) клиникасындағы неміс әріптестерінің мәлімдемесінде ештеңе айтылмаған.
Теплых, науқасты емдеген Омбыдағы дәрігерлер ауруханаға жатқызылғаннан кейінгі алғашқы минуттарда Германиядағы дәрігерлер қолданатын атропинді қолданғанын мәлімдеді, – бұл токсиндердің әсері кезінде стандартты емдеу.
Оның айтуынша, неміс дәрігерлері заттың өзі емес, “холинэстеразаның ингибиторларымен улануын” көрсететін мәліметтер туралы айтады.
24 тамызда “Шарите” клиникасындағы неміс дәрігерлері Навальныйдың ауыр жағдайына оның ағзасынан табылған уытты субстанция себеп болды деді. Дәрігерлер науқастың ағзасынан нақты қандай зат табылғанын әлі анықтаған жоқ, бірақ оның “холинэстераза ингибиторлары” тобына жататыны белгілі, бұл бірнеше рет, оның ішінде тәуелсіз зертханаларда расталды.
Навальный 20 тамыз күні таңертең Томск-Мәскеу бағытындағы ұшып бара жатқан ұшақта жағдайы күрт нашарлаған, ұшақ шұғыл түрде Омбыға қонып, онда оппозиционер жедел жәрдеммен токсикореанимация бөліміне жеткізілді.
Навальныйдың баспасөз хатшысы ол ұшқан күні ештеңе жемегенін және Томск әуежайының кофеханасында шай ішкенін айтты. 22 тамызда күндіз ол Омбыдан Берлинге, “Шарите” клиникасына жеткізілді.
