Украина Сыртқы істер министрлігінің басшысы Дмитрий Кулеба Украина мен Ресей арасындағы бейбіт келіссөздер жақын арада басталатыны екіталай екенін айтты. NHK телеарнасына берген сұхбатында ол келіссөздерді бастау үшін қажетті шарттардың бірі Украина армиясы тарапынан жауынгерлік жеттістіктер болуы тиіс екенін атап өтті.
«Мен Ресеймен арадағы келіссөздер жақын арада басталады деп ойламаймын», — деді Кулеба қақтығысты бейбіт жолмен шешу мүмкіндігі туралы сұраққа жауап бере отырып. Ол сондай-ақ соғыс алаңында алға жылжу үшін һх өмірін беруге дайын украиналық сарбаздарды құрметтеуге шақырды.
Ресей билігі бұған дейін қақтығысты шешу мақсатында Украинамен келіссөзге дайын екенін білдірген, бірақ Украина президенті Владимир Зеленскийдің Ресей президенті Владимир Путинмен келіссөздер жүргізуге тыйым салатын заңнамалық шектеуді қоса алғанда, бірқатар кедергілер барын айтты. Сондай-ақ «Украина президентінің бастамалары ресми Киевтің қалыптасқан жағдайдан толық оқшауланғанын айғақтайды» деп атап өтілді, оның ішінде Ресей әскерлерін толықтай шығару талабы бар.
Украинадағы қақтығыстың шиеленісуі контекстінде Ресей Қорғаныс министрлігі Украина Қарулы күштері жасаған шабуыл сәтсіз аяқталғанын хабарлады. Ресей тарапы екі айдың ішінде, 4 маусымнан бастап Украина армиясы шамамен 43 мың әскери қызметшісінен және өте көп әскери техникасынан, соның ішінде 26 біплік Leopard танкісі мен 25 бірлік ұшағынан айрылды деп отыр.