2022 жылғы 24 ақпанда басталған Ресей Украинаға баса көктеп кірді, содан бері 23 ай өтті. Осы уақыт аралығында әлемді билеуді және Украинаны денацификациялау және демилитаризациялауды көздеп отырған президент Владимир Путиннен басқасының бәрі соғыстан шаршады. Ресейде соғыстан шаршады. Пропаганда екі жыл бойы «миын улап» жатқан азаматтық тұрғындар емес, әскерилерге қатысты. Ресейлік әскери ұшқыштар көп қателік жібере бастады, салдарынан ресейлік қалаларға бомба түсіп жатыр.
Ресей Украинаға баса көктеп кіргенге дейін ресейлік авиацияның саны украиналық авиациядан бірнеше есеге асып түсетін. Соғыстың алғашқы күндерінде Кремль пропагандисттері украин авиациясын жою және украин әуе кеңістігін толық бақылауға алу туралы бірнеше рет мәлімдеме жасады. Шындап келгенде жағдай мүлдем басқаша болып шықты. Ресей Украина авиациясын жойып жібере алмады, ал ресейлік ұшқыштар сәтсіздікке ұшырап, Украинаның әуе шабуылына қарсы қорғанысын еңсере алмады. Уақыт өте келе бұл тенденция нығайып, күшейе түсті. Киевке батыстық ӘШҚҚ жүйесі жолданғаннан кейін ресейлік жойғыш ұшақтар, бомбалаушы ұшақтар мен шабуылдаушылар Украина бақылауындағы аумаққа кіріп, ӘШҚҚ жетпейтін аймақтан соққы беруге тырысты. Украина Қарулы Күштеріне жақын арада қосымша әуе шабуылына қарсы қорғаныс жүйелері, жер-аспан және аспан-аспан сыныбының жаңа зымырандары, көптен күткен F-16 жойғыш ұшақтары жіберілуі тиіс, бұл ресейлік ұшқыштардың жұмысын одан әрі қиындатады.
Белсенді қорғаныс пен РФ аумағындағы аэродромдарға шабуылдау ресейлік ұшқыштарды күйзеліс жағдайына ұшыратты, себебі әр ұшқан сайын олардың ешқайсысы қайтып аман келетінін не келмейтінін білмейді. Шаршау және тұрақты күйзеліс жағдайына байланысты ресейлік ұшқыштар қателіктерге бой алдырып, өз қалаларына әуеден бомба тастап жатыр. Соңғы айдың ішінде Ұлыбритания Қорғаныс министрлігі хабарлағандай, мұндай оқиғалардың саны артты.
Twitter-де ағылшын ведомствосы ресейлік тәуелсіз Telegram Astra жаңалықтар арнасына сілтеме жасап, 27 қаңтарда ресейлік авиация Белгород облысындағы екі ауылға екі бірлік басқарылмайтын ФАБ-250 әуе бомбасын кездейсоқ тастағанын жариялады. Бірінші оқ-дәрі Постниковтағы фермаға, ал екіншісі — Стрелецкое ауылындағы көшелердің біріне түсті, салдарынан 500 метр радиуста 150 адамды эвакуацияланды.
Британ барлау қызметінің деректері бойынша, бұл Ресей аумағына әуе бомбасы түскен төртінші жағдай болды. Мұндай оқиға алғаш рет 2023 жылғы 20 сәуірде Белгородта орын алды. Қорғаныс министрлігі: «Осындай жағдайлардың неге орын алып отырғанын нақты анықтау мүмкін емес. Мұндай жағдайлардың артуы Ресейдегі әуе кеңістігіндегі және жердегі әскери қызметкердің шаршау деңгейін көрсетеді, сондай-ақ дайындықтың жеткіліксіздігін көрсетеді».
Ресей-Украина соғысының бірінші жылында көптеген ресейлік ұшқыштар атып түсірілгендіктен, Мәскеу запастағы ұшқыштарды шақырған, сондай-ақ жаңадан әскерге шақырылғандарды жылдам оқытқан, бұл қазір ресейлік авиация жұмысының сапасына әсер етуде. Соғыс қимылдары ұщақ уақытқа жалғасқан сайын жау күштерінің ұшқыштары көп қателіктер жібере бастайды, бұл Украинамен шекаралас облыстардағы елді-мекендерге оқ-дәрілердің түсуіне алып келуі мүмкін. Бұл өз кезегінде ресейлік бейбіт тұрғындарға өміріне қауіп төніп тұрғанын білдіреді.