АҚШ ресейлік әскерилерге қарсы санкция салды.
Бұған дейін Ақ үй Украинадағы адам құқықтарын бұзуға қатысы бар деген айыппен АҚШ «ресейлік және белорустық лауазымды тұлғаларға қатысты шамамен 2,6 мың визалық шектеу қойғаны» туралы хабарлаған болатын.
Украинадағы жағдайға байланысты АҚШ 2,6 мыңға жуық РФ азаматына қатысты енгізген жаңа визалық шектеулер әскери қызметшілерге қатысты болды. Бұл жексенбі күні жарияланған Мемлекеттік департаменттің хабарламасында айтылған.
«РФ Қарулы Күштерінің 2 596 өкілі мен 13 Беларусь әскери шенеунігіне қатысты визалық шектеулер енгізу туралы шешім қабылданды», — делінген мәтінде. АҚШ Мемлекеттік хатшысы Энтони Блинкеннің мәлімдемесінде айтылғандай, визалық шектеулерге ұшырағандардың қатарына «Бучадағы әскери іс-қимылдарға қатысқан әскери қызметшілер» бар.
Бұған дейін Ақ үй АҚШ Украинадағы адам құқықтарының бұзылуына немесе оның егемендігіне нұқсан келтіруге қатысы бар деген айыппен «ресейлік және белорустық лауазымды тұлғаларға қатысты шамамен 2,6 мың визалық шектеу қабылдады» деген хабарлама таратқан болатын. Олардың нақты есімдері хабарламада және Мемлекеттік департаменттің хабарламасында келтірілмеген.
АҚШ Сыртқы саяси ведомствосы сондай-ақ Беларусь ІІМ ішкі әскерлер арнайы жасағы бригадасының бұрынғы командирі Дмитрий Павличенкоға, ІІМ-нің бұрынғы басшысы Юрий Спиваковқа және республика президенті әкімшілігінің бұрынғы басшысы Виктор Шейманға «адам құқықтарының өрескел бұзылуына қатысы бар» деген айыппен жаңа санкциялар енгізілгені туралы хабарлады. Шейманның әйелі Елена мен оның ұлы Сергейге АҚШ-қа келуге тыйым салынды.