Қазақстанда білім беру саласында еңбегі сінген тұлғалар медальмен марапатталатын болады.
Білім және ғылым министрлігі ҚР Үкіметінің құрылымына кіретін кейбір мемлекеттік органдардың ведомстволық наградаларына толықтыру енгізетін Үкімет қаулысының жобасын дайындады
Құжатта көрсетілгендей, «Әлемге Махаббатпен» медалімен 10 және одан да көп жыл педагогикалық немесе ғылыми-педагогикалық жұмыс өтілі бар білім беру ұйымдарының қызметкерлері марапатталады, өскелең ұрпаққа адамгершілік-рухани білім беру және тәрбие беру жүйесін дамытуға үлес қосқан, адамгершілік-рухани білім берудің өзекті мәселелері бойынша зерттеулер жүргізген, адамгершілік-рухани білім беруді іске асыру үшін оқу-тәрбие процесіне жаңа білім беру технологияларын енгізген, «Өзін-өзі тану» адамгершілік-рухани білім беру бағдарламасын мектепке дейінгі білім беру ұйымдарының тәрбие жүйесіне ықпалдастыру жөніндегі бағдарламалар мен жобаларды әзірлеген және іске асырған, негізгі, жалпы орта, техникалық және кәсіптік, жоғары және жоғары оқу орнынан кейінгі білім беру.
Медаль диаметрі 31.8 мм болатын шеңбер формасында жезден жасалады. Медальдің реңі күңгірттелген.
Медальдің бет жағында ақ фонда алтын түстес «Әлемге Махаббатпен» деген жазу жазылған.
Медальдің ортасында алтын-сары түсті сәулелері бар күн бар. Онда тұмсығына бұтақ тістеген көгершін бейнеленген.