Алматыда жер сілкінісінен кейін жол жағдайы тұрақты, деп хабарлайды қалалық полиция департаменті. Жедел басқару орталығының мәліметі бойынша, ата-аналар балаларын бір мезгілде алып кетуіне байланысты жалпы білім беретін мектептер мен балабақшалар ауданында көлік қозғалысы көбейгені байқалады. Алайда бұл кептеліс шешіледі.
Жалпы, қаладан шығатын барлық бағыттар бойынша жол ашық, ал көлік ағынын өткізу қалыпты режимде жұмыс істеуде. Жанармай құю бекеттерінде жағдай тұрақты, көлік кептелісі жоқ.
Бағдаршамдар штаттық режимде жұмыс істеп жатыр, ал қаланың негізгі жолдарында көлік қозғалысын қолмен реттеуде. 120-дан астам патрульдік полиция экипажы қаладағы жол қозғалысы қауіпсіздігін қамтамасыз етуде.
Полиция жолдардағы жағдайды қадағалауды жалғастыруда және қала тұрғындарының қауіпсіздігін қамтамасыз ету үшін қажетті шараларды қабылдауда.