Полиция қаланың Алатау ауданы аумағында улы заттардың шашуы мүмкін фактісі бойынша тексеру жүргізуде. Жедел іс-шараларды ұйымдастыруға әлеуметтік желіде жарияланған материал негіз болды.
Бейнероликтің кадрларында ер адамның қараңғы уақытта белгісіз затты шашқаны анық көрінеді.
«Қара, ешкімнің көзіне көрінбеу үшін отыр. Ол осында келе жатып, жан-жағына жалтақтап қарап жүрді. Ол не істеп жатыр?», — дейді кадр сыртындағы әйел.
«Кеше, 20 қазанда Зерделі ықшамауданында белгісіз біреу егеуқұйрықтарды улаумен айналысқан, бірақ түтін №148 балабақшаға қарай тарап, бүгін барлық ата-аналар балаларын балабақшаға беруден жүрексінді», — делінген құқық қорғау органдарының хабарламасында.
Алматы қаласының Алатау ауданының полициясы аталған факті бойынша тексеріс жүргізуде. 102 пультке ешкімнен сигнал түспегені атап өтілді.
«Міндетті түрде барлық жағдайды анықтап, заңнамаға сәйкес шаралар қабылдаймыз», — деді полицияның баспасөз қызметі.
Алматы әкімдігі әзірге видеоға түсініктеме берген жоқ.