Украина президенті Владимир Зеленский АҚШ-тан заманауи NASAMS әуе шабуылына қарсы қорғаныс жүйеcі жеткізілгенін хабарлады.
Бұл Украина көптен бері сұрап жүрген және өткен айдың соңында Вашингтон тарапынан мақұлданған әуе шабуылынан қорғаудың жетілдірілген жүйесін алғанын бірінші рет мойындауы болды.
«Бізге АҚШ-тың көшбасшылық танытып, Украинаға әуе шабуылына қарсы қорғаныс жүйесін беруі өте қажет. Мен президент (Джо) Байденге қабылдаған шешімі үшін алғыс айтқым келеді, — деді Зеленский. — Дегенмен, бұл украиндықтардың азаматтық инфрақұрылымын, мектептерін, ауруханаларын, университеттерін, үйлерін қорғау үшін де жеткіліксіз».
Зеленский сондай-ақ АҚШ-қа ресейлік басқыншыларға қарсы шабуыл жасауға мүмкіндік беретін HIMARS және басқа да дүркіндете оқ ату жүйесін Украинаға бергені үшін алғыс айтты.