Ұлыбритания билігі өз аумағында 2023 жылы Украинаны қалпына келтіру жөніндегі URC2022 конференциясын өткізетінін мәлімдеді.
Бұл туралы Reuters басылымы британдық сыртқы істер министрі Лиз Трассаға сілтеме жасап хабарлады.
Британия Украина және басқа елдермен келесі жылы конференция өткізу мәселесі бойынша жұмыс істеп жатыр және ол Украина мен оның одақтастарының елді қалпына келтіру жөніндегі іс-қимылдарын үйлестіру үшін бақылаушы кеңеске кіреді.
Биыл URC2022 конференциясы Швейцарияның Лугано қаласында 4 және 5 шілде күндері өтеді. Күн тәртібіне, атап айтқанда, елді қалпына келтірудің басымдықтары, әдістері мен принциптері кіреді. Конференция Украинаны қалпына келтіру процесі бойынша халықаралық серіктестердің кең қолдауын көрсетуге бағытталған.
Сондай-ақ, Ұлыбритания мен Дания тамыз айына Украинаны қолдау мақсатында арнайы донорлық конференция дайындап жатыр.