Ұлыбританияның Украинадағы елшілігі Қырым түбегін Украина мемлекетінің құрамына қайтаруға бағытталған жобаларды қаржыландырады. Бұл туралы британдық үкіметтің сайтында айтылған.
Билік жобаларға он мың фунтқа дейін қаржы бөлуге дайын. Олар тек түбекке ғана емес, “мемлекеттің бақылауында емес аймақтарға”, яғни танылмаған Донбасс республикаларына да бағытталуы мүмкін.
Бағдарламалардың фокусы – адам құқықтарының бұзылуын тіркеу және жария ету, олардың құрбандарына көмек көрсету, сондай-ақ ұлттық азшылықтардың, бірінші кезекте қырым татарларының құқықтарын қорғау.
Өткен жылдың қараша айында Севастопольдің бұрынғы губернаторы, Украина президенті Владимир Зеленскийдің кеңесшісі Сергей Куницын Қырымды Киевтің бақылауына қайтарудың жалғыз жолын атады: ол бірінші кезекте Украина мемлекеті түбек тұрғындарының махаббатын жаулап алуы керек деп есептейді.
Естеріңізге сала кетейік, Қырым Ресейдің құрамына 2014 жылы референдумнан кейін кірген болатын. Сол жылы АҚШ, Еуроодақ елдері және басқа да мемлекеттер Ресейге қарсы санкциялар енгізген болатын.
Киев түбек аумағын аннексияланған деп есептеп, Мәскеуді Қырым татарларының құқығын бұзды деп айыптайды. Ресей билігі бұл айыптарды жоққа шығарады.
