Алматыда құқық қорғау органдарының қызметкерлері жалған вакцинация паспортын жасаған мейірбике мен оның ағасын ұстағанын айтты.
Полицияның хабарлауынша, 22 жастағы азамат алаяқтықтың барлық ұйымдастырушылық бөлігін жүзеге асырған: әлеуетті клиенттерді тапты, келіссөздер жүргізді, төлемді электронды аударымдар арқылы қабылдады. Содан кейін техникалық жағын жүзеге асыру үшін қаладағы емханалардың бірінде медбике болып жұмыс істейтін әпкесін қосты.
«25 жастағы азаматша өз кезегінде КВИ-ге қарсы егілгендердің мәліметтер базасына “клиенттердің” деректерін енгізді. Біз іс жүргізу тәртібімен азаматшаның жұмыс орнында рұқсатты іздеу жүргіздік. Қылмыстық іс материалдарына, кеңсе техникасын және профилактикалық егулерді тіркеу құжаттамасын тіркедік және тәркіледік», — деді Алматы ПД криминалдық полиция басқармасының бастығы Қуатбек Науатов.
Тергеу амалдары ҚР ҚК-нің 385-бабы — «Жалған құжаттарды, мөртабандарды, мөрлердi, бланкілерді, мемлекеттiк пошта төлемі белгілерін, мемлекеттiк наградаларды қолдан жасау, дайындау немесе өткiзу» бойынша жүргізіледі.