«Қырым. Реалии» радиосының Украиналық қызметі жобасының түсірілім тобы Запорожье облысы, Работино ауылында минаатқыштан атқылау кезінде зардап шекті. Журналист Дмитрий Евчин атқылау кезінде аяғынан жарақат алды.
Евчин Запорожье қаласының ауруханасына жеткізілді, қазір реанимацияда жатыр. Дәрігерлер оның жай-күйін тұрақты деп бағалауда, оңалту процесі басталды, деп хабарланды АР Украиналық қызметінің сайтында.
Украина армиясының 10-шы корпусының ресми хабарламасында журналистің «Баспасөз» деген белгісі бар броньды кеудешеде болғаны айтылған. Бұл ресейлік әскерилердің БАҚ өкілдерінің жүргенін білгенін көрсетеді. Қазір артиллерияшылар ұшқышсыз ұшу аппараттарынан дәлдемей оқ ата бермейді, делінген хабарламада.
2018 жылдан бері Крым.Реалии радиосында жұмыс істеп келе жатқан Дмитрий Евчин майдандағы әскери қимылдарды белсенді түрде жариялап келеді. Ол оператор Никита Исайкомен бірге 2022 жылы ресейлік әскерлер Украинаға басып кіргелі бері оқиғаларды жариялап келеді.
Украина бұқаралық ақпарат институтының мәліметінше, 2022 жылдың ақпан айының басынан бері 70 журналист қаза тапты, кәсіби міндеттерін орындау кезінде олардың 10-ы қайтыс болды, ал 25-і жарақат алды. Майдандағы жаңалықтарды және Украинадағы жағдай туралы соңғы жаңалықтарды қадағалаңыз.