Қырғызстан Президенті Садыр Жапаров жыныстық қол сұғылмаушылығына қарсы қылмыс туралы қылмыстық істерді тергеу ережелеріне айтарлықтай өзгеріс енгізетін заңға қол қойды. Жаңа заң бойынша, сотқа дейін қаралып жатқан ауыр қылмыстарға қатысты іс екі тарап татуласса іс жабылмайды.
Қырғызстанның Қылмыстық және Қылмыстық-процессуалдық кодекстеріне енгізілген өзгерістер жыныстық қол сұғылмаушылыққа қарсы қылмыстар бойынша ескіру мерзімінің күші жойылады. Сондай-ақ аталған шаралар жәбірленушілердің құқық қорғау жүйесіне деген сеніміне нұқсан келтіруі мүмкін, мұндай істерде пробациялық қадағалауды қолдануға және кепілмен бостандыққа шығуға тыйым салынады.
Жыныстық қол сұғылмаушылыққа қарсы қылмыстар үшін жауапкершілікті қатаңдатуға бағытталған жаңа заң ресми жарияланғаннан кейін 10 күннен соң күшіне енеді.
Қырғызстан бұған дейін тұрмыстық зорлық-зомбылық үшін, әсіресе балаларға қатысты жазаны қатаңдатқан болатын. WPS мәліметтеріне сәйкес, Қырғызстан Орталық Азиядағы әйелдер үшін аса қауіпті елдердің бірі болып отыр. Жаңа заңнамалық өзгерістер жәбірленушілердің құқықтарын қорғау және жыныстық қол сұғылмаушылыққа қарсы қылмыстарды болдырмау жөніндегі неғұрлым тиімді шараларды жасауға бағытталған.