Тәжікстан Президенті Эмомали Рахмон отандастарын Наурыз мерекесімен шын жүректен құттықтап, 2024 жылы халықаралық қоғамдастық азық-түлікпен қамтамасыз етуде қиындықтарға бетпе-бет келетінін атап өтті. Осыған байланысты ол азаматтарды қолда бар барлық ресурстарды ұтымды пайдалануға шақырды.
«Біз жүргізген бақылау мен талдау негізінде 2024 жылы әлемдік қоғамдастық азық-түлік саласында былтырмен салыстырғанда ауыр қиындыққа бетпе-бет келеді деп болжануда. Әлемде 80-нен астам ел астық жетіспеушілігі мен аштық салдарынан елеулі қиындықтарға тап болып отырғанын көріп отырмыз. Сондықтан біз қолда бар барлық барлық ресурстар мен мүмкіндіктерімізді, әсіресе су және жер ресурстарын, сондай-ақ қолайлы табиғи жағдайды ұтымды әрі тиімді пайдалануымыз керек», — деп атап өтті президент баспасөз қызметі жариялаған құттықтау сөзінде.
Сондай-ақ, Рахмон климаттың өзгеруі, қуаңшылық және тұрақсыз саяси ахуал әлем халқын азық-түлікпен қамтамасыз ету проблемасын одан әрі ушықтыратынын атап өтті. «Елімізде су жетіспеушілігі проблемасы бар, бұл ретте жацған қар мен жаңбыр көлемі былтырмен салыстырғанда 70%-ға аз», — деп толықтырды президент.
Ол «Наурыз мейрамы көктемнің басы ретінде ауыл шаруашылығы қызметкерлері үшін айтулы мереке» екенін атап өтіп, барлық азаматтарды елдің азық-түлік қауіпсіздігін қорғауға назар аударуға және ысырап жасамауға шақырды.
Әлемдегі ежелгі мерекелердің бірі — Науруз мерекесі 3 мыңнан астам жылдан бері тойланып келеді. Бұл мерекенің исламға тікелей қатысы жоқ, ол көктемгі күн мен түннің теңелу күні. Тәжікстанда Науруз жыл сайын түрлі мәдени іс-шаралар, карнавалдар мен жәрмеңкелер өткізіліп, кеңінен тойланады.