Пентагон Түркияның сириялық жалдамалы содырларды Ауғанстанға жіберіп, Кабулдағы әуежайды өз бақылауына алуды жоспарлап отырғанын білетінін мәлімдеді.
Тиісті ақпаратты шетелдік БАҚ өкілдері таратты.
Пентагонның баспасөз хатшысы Джон Кирби бейсенбі күні журналистерге арналған брифингте АҚШ Қорғаныс министрлігі Түркияның Ауғанстан астанасындағы әуежайды күзету үшін сириялық жалдамалы содырларды қолданатыны туралы хабардар емес екенін мәлімдеді.
«Мен бұл хабарламаларды БАҚ-тан көрмедім», — деді ол тиісті сұраққа жауап бере отырып. Сонымен қатар, Кирби АҚШ Кабул халықаралық әуежайын қорғау үшін құзыретті адамдарды көргісі келетінін атап өтті.
Бұған дейін бірқатар БАҚ беттерінде Түркия Кабул әуежайын күзету үшін сириялық содырларды жалдауы мүмкін деген ақпарат тараған болатын.
Бейсенбі күні Анкара мен Вашингтон Кабул әуежайының қауіпсіздігін қамтамасыз ету мәселесін талқылағаны белгілі болды. 14 маусымда Түркия президенті Тайып Ердоған НАТО әскерлерлері ел аумағынан шығарылғаннан кейін АҚШ қаржылай қолдау көрсетсе Ауғанстандағы әскери контингентін сақтауға дайын екенін айтты.
РФ СІМ өкілі Мария Захарова Түркияның Кабул әуежайының қауіпсіздігін қамтамасыз ету туралы ұсынысы АҚШ пен «Талибан» қозғалысының (РФ мен ҚР-да тыйым салынған) Ауғанстаннан шетелдік бөлімшелерді шығару туралы қол қойған келісіміне қайшы келетінін айтты. Бұл шешім «ауғанаралық ұлттық татуласу процессін ілгерілету мақсаттарына сүйене отырып, саралап қабылдау қажет», — деп атап өтті Захарова.