Қазақстанда «Тұмар-2022» ұлттық кинобайқауына қатысуға ниет білдірушілерден өтініштерін қабылдау басталды.
Байқауға 2021 жылы қазақстандық телеарналардың эфиріне шыққан телевизиялық жобалар қатыса алады.
tvtumar.kz сайтында «Тұмар-2022» ұлттық сыйлығын алуға өтінімдер қабылдау басталды. Байқауға қатысуға 2021 жылы қазақстандық телеарналардың эфиріне шыққан телевизиялық жобалар қатысады.
Өтінімдерді кәсіби телевизиялық контент шығаратын республикалық және өңірлік телеарналар, студиялар мен компаниялар бере алады.
Сыйлық 10 номинация бойынша беріледі:
Үздік телевизиялық сериал
Үздік деректі фильм
Үздік ақпараттық бағдарлама
Үздік әлеуметтік жоба
Үздік ток-шоу
Үздік ойын-сауық бағдарламасы
Үздік тележүргізуші
Үздік тележурналист
Үздік режиссерлік жұмыс
Үздік өңірлік телеарна
Тұңғыш рет «Тұмар» ұлттық сыйлығы 2017 жылы Қазақстан Республикасы Ақпарат және қоғамдық даму министрлігінің бастамасымен құрылған. Сыйлықтың басты мақсаты — кәсіби қоғамдастықтың бағалау призмасы арқылы қазақстандық телевизия индустриясын дамытуды ынталандыру.
Өткен жылдары қатысуға 1359 өтініш қабылданып, 218 жұмыс номинанттар тізіміне енді. Отандық телевизиялық журналистиканың 59 маманы эксклюзивті мүсіннің иегері атанды.