Өскеменде 9 сынып оқушылары синтетикалық есірткі сақтады күдікпен ұсталды. Қала прокуратурасынан алынған ақпаратқа сәйкес, оқушылар Гавань ауданында есірткіні қойып кеткен орыннан «көтергеннен» кейін бірден ұсталған.
Кәмелетке толмаған балаларды тексеру кезінде құрамында психотроптық заттар бар 10 граммнан астам синтетикалық есірткі табылды. Күдіктілерден есірткіден бөлек есірткі тұтынуға арналған құрылғы мен ұялы телефондар табылды, олар Telegram мессенджерінде есірткі сатушылармен хат алмасқан.
Оқушыларға қатысты «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» қылмыстық бабының 3, 4-бөліктері бойынша тергеу амалдары басталды.
Кәмелетке толмаған балалардың ұсталуы жалпы Өскеменде синтетикалық есірткінің таралуына байланысты алаңдаушылық туғызып отырған жағдайдың бірі. Жыл басынан бері 115 есірткі қылмысы тіркеліп, заңсыз айналымнан 5,6 келіден астам «синтетика» тәркіленді. Қатаң жазаға қарамастан, есірткі қылмысы төмендемей тұр.