Шымкентте толассыз қар жаууына байланысты бастырма құлап, көліктерді басып қалды

Бұл туралы қалалық Төтенше жағдайлар департаментінің баспасөз қызметі хабарлады.

Шымкентте екі тәулік бойы қар жауып, түрлі келеңсіз жағдайлар орын алуда.

«10 қаңтарда сағ. 11:28-де Қаратау ауданы, Нұрсат шағын ауданындағы №114 үйдің ауласында жалпы көлемі 252 ш.м. құрайтын екі бастырма құлап, 5 дана автокөлікті басып қалған», — делінген хабарламада.

Оқиға орнына Шымкент қалалық ТЖД Өрт сөндіру және авариялық құтқару жұмыстары қызметінің 7 қызметкері мен 2 техникасы авариялық-құтқару жұмыстарына жұмылдырылды.

Бұдан басқа, 10 қаңтар күні сағат 11:26-де Тұран ауданы Сәуле шағын ауданында Апаттан құтқару жұмыстарына өрт сөндіру және апаттан құтқару жұмыстарының 12 құтқарушысы 4 бірлік техниканың көмегімен қарға тығылып қалған DAF жүк көлігін шығарды. Сонымен қатар, Құрсай ықшамауданында әріптестері №60 бағыттағы қалалық автобусы қарға тығылып алды. Көлікті қардан алып шығуға 12 қызметкер мен 4 техника бірлігі тартылды

Бақытымызға орай, барлық жағдайда зардап шеккендер мен қаза болғандар жоқ.
.

Добавить комментарий