6 наурызда Саратов облысы Пугачев қаласындағы қатаң режимдегі колонияда бүлік шығып, сотталғандар терезелер мен есіктерді сындырды. Алдын ала мәліметтерге сәйкес, аталған оқиға камераларды тыйым салынған заттардың бар-жоғына тексеру жоспарланған ТК-4-де орын алған.
ФЖОҚБ баспасөз қызметінің ақпараты бойынша, кісі өлтіргені үшін жазасын өтеп жатқан сотталушы колония қызметкерлеріне тыйым салынған затты беруден бас тартқаннан кейін тәртіпсіздік басталған. Жағдай бақылаудан шығып, аталған сотталушыға ғана емес, оған қолдау көрсеткен басқа да сотталушыларға күш қолдану қажет болды.
ФЖОҚ қызметкерлері жағдайды өз бетінше шеше алмайтынын түсініп, арнайы жасақты шақырды. Тәртіпсіздік тоқтатылғанымен, тұтқындар бірнеше есік пен терезені сындырған. Көп ұзамай бүлікке қатысқан 150-ге жуық адамнан тұратын екі отряд плацқа жиналып, колония қызметкерлерімен келіссөздер жүргізді.
Біраз уақыттан кейін бүлікшілер тынышталды. Қазіргі уақытта аталған оқиға салдарынан колонияға келтірілген залалды есептеу жүргізіліп жатыр.