Солтүстік Қазақстан облысында екінші күн қатарынан қатты жел соғып, ғимараттардың шатырын ұшыруда. Қазіргі таңда 92 елді мекенде 5 мыңнан астам абонент жарықсыз қалды.
26 желтоқсанда облыстың 13 ауданында 181 елді мекен электр қуатынан ажыратылды. Қалыптасқан жағдайды шешу үшін арнайы штаб құрылды, ол бірінші кезекте аудандық ауруханалар, мектептер және балалар үйлері сияқты әлеуметтік нысандар бақылауға алынып, резервтік электр қуатымен қамтамасыз етілді.
Қазіргі уақытта «Севказэнерго» АҚ-ның 55 апатты-жөндеу бригадасы мен «Көкшетау энерго» ЖШС-нің 37 бригадасы елді мекендерді электрмен жабдықтауды қалпына келтіру бойынша жұмыс істеп жатыр. 27 желтоқсан күні сағат 15:00-де 92 елді мекенде электр қуаты қалпына келтірілді.
Сонымен қатар, қатты соққан жел салдарынан Шал ақын ауданы Сергеевка қаласындағы мектеп-гимназия мен балабақшаның шатырын жұлып әкетті. Осыған байланысты жергілікті қызметтер балаларды үйлеріне эвакуациялауды ұйымдастырды.
Төтенше жағдайлар қызметтері қатты жел сақталатынын және 28 желтоқсанда дауылды ескерту жариялады. Боран мен көктайғақ болады, желдің күші 15-20 м/с жетеді, облыстың оңтүстік-батысында күндіз екпіні 25 м/с жетеді. Өңірдегі ахуалдан хабардар болу үшін біздің жаңартуларымызды қадағалаңыздар.