Ұлыбританияның барлау қызметі Ресей әскерлері Бахмутқа қарсы қысымды айтарлықтай күшейтті деп хабарлайды. Бұл туралы елдің Қорғаныс министрлігінің барлау шолуында айтылған.
Соңғы төрт күн ішінде ресейлік әскерлер мен «Вагнер» күштері Соледар қаласына тактикалық шабуылды шабуылды күшейтті. Барлау қызметі Соледар Бахмуттың солтүстігіне қарай 10 шақырым жерде орналасқанын еске салды.
Ресейдің Соледарлық осі, шамасы, Бахмутты солтүстіктен қоршауға алып, Украинаны коммуникация желілерін ажырату әрекеті болып табылады, деп болжап отыр британдық барлау қызметі.
Ұрыс қимылдарының бір бөлігі аудан маңынан өтетін 200 шақырымдық пайдаланылмайтын тұз шахталарының кіре берістері маңында жүріп жатыр. Екі жақ та олардың тылға ену үшін пайдаланылуы мүмкін деп алаңдаушылық танытып отыр.
Бахмутқа шабуыл күшейгеніне қарамастан, Ресей жақын арада қаланы қоршауға ала алмайды, себебі украиналық әскерилер қорғаныс шебін мықты ұстап, жабдықтау жолдарын бақылап отыр, дейді британдық барлау қызметі.
Қаңтар айының басында Британия барлау қызметі Бахмут түбіндегі Ресей күштерінің ең қуатты шабуыл жасау кезеңі өткенін және РФ жақын арада бұл ауданда шабуылы сәтті аяқталу мүмкіндігі шамалы екенін мәлімдеді.