Ресей әскері Харьков бағытында кері шегініп, Донецк облысының бірнеше елді мекенін Украина УҚК-ның әскерлерінің шабуылына қалдырды.
Ресей әлі күнге дейін Донецк облысының әкімшілік аудандарына шыға алмады. 14 қыркүйектегі жағдай бойынша Ресей әскерінің бақылауында Харьков облысы аумағының 6%-ы ғана болды, деп мәлімдейді украиналық БАҚ.
Херсон бағытында контршабуыл жүргізілуде, бұл Ресей әскерін қиын жағдайға қалдырып отыр.
Оның үстіне соғыс басталғалы жеті айдың ішінде Ресей армиясы мен әскери техникасы айтарлықтай шығынға ұшырады, бұл оларды ауқымды шабуыл жасай алмайтындай етті . Украиналық БАҚ елдің Қорғаныс министрлігіне сілтеме жасап хабарлағандай, РФ әскерінің 60 000 астамы жер жастанған.
Батыстық сарапшылар шығын саны аз деуде. Өз кезегінде РФ Қорғаныс министрлігінің мәліметі бойынша, Ресейдің Украинаға қарсы соғыста небәрі 5 937 адам қайтыс болған.
Фото: Ресейдегі мобилизация: Саясаттанушылар шенеуніктердің балалары Украинаға барып, соғыспайтынын мәлімдеді
Жоғарыда айтылғандардың аясында Ресейде Путин 21 қыркүйек күні жариялаған мобилизация жалғасып жатыр, оның барысында әскери тәжірибесі мен әскери-есептік мамандықтары бар 300 мың ресейлік шақырылды.
Батыстық сарапшылар Путиннің мұндай шешімі Ресей президентінің бұл соғыста жеңіліс тапқанын түсінгенінің белгісі деп отыр.
Батыстық БАҚ-тың мәліметі бойынша, РФ әскери-саяси басшылығы соғысқа 1 миллионнан астам азаматты тартуды жоспарлап отыр.
Мемлекеттік думаның «Единая Россия» партиясынан сайланған депутат Дмитрий Вяткин депутаттар әскерге шақырудан босатылған, себебі соғысқа кету оңай шешім. Бұл туралы ол Мемлекеттік думаның кейбір депутаттары соғысқа әскери қызметші ретінде жіберу туралы өтініш берген соң айтты.
Фото: Ресейдегі мобилизация: Саясаттанушылар шенеуніктердің балалары Украинаға барып, соғыспайтынын мәлімдеді
Мәселен, РФ президентінің баспасөз хатшысы Дмитрий Песковтың ұлы Николай «Популярная политика» арнасының жетекшісі Дмитрий Низовцев тікелей эфирде әскери комиссариатқа баруға дайынсын ба деген сұраққа, соғысқа барудан бас тартты. Песков бұған қатысты түсініктеме бере отырып, журналист ұлының сөзін эфирге толық шығармағанын мәлімдеді.
«Ресейлік саясаткерлер мен олардың балалары соғысуға міндетті емес, бірақ РФ-ның қарапайым азаматы, сол саясаткерлердің пікірінше, өз өмірі мен денсаулығын құрбан етіп, мәні жоқ соғысқа аттануға міндетті», — деп жазады украиналық саясаттанушылар.