Жыл сайын Дания Saxo Bank бүкіл әлем бойынша ықтималдығы төмен, бірақ орын алуы мүмкін оқиғалар бойынша болжам жариялайды. Ресейде Совкомбанк те болжам жасады, бірақ әлем бойынша емес, Ресейді не күтіп тұрғанын болжады. Аталған болжам «Шайтанның мәлімдемесі» деп аталды. Болжам орындалмауы мүмкін, бірақ кейбір болжамдар тоқырап бара жатқан Ресей Федерациясы үшін орындалуы әбден мүмкін. Аталған болжам Ресей президенті Владимир Путиннің тәуелсіз мемлекетте қанды соғысты бастау туралы шешімі қате екенін айқын көрсетеді.
Совкомбанктің бірінші болжамы инфляцияға қатысты. Инфляция 15 пайызға және Орталық банктің негізгі мөлшерлемесі 25 пайызға дейін көтеріледі деп болжанып отыр. Бюджет қаражатының басым бөлігі экономиканың басқа салаларына қарағанда әскери-өнеркәсіптік кешенге көп бөлініп жатыр. Алдағы президент сайлауы мен Кремль үшін қалыпты сайлауалды «аттракциондар» отқа май құйып отыр. Сондықтан Ресейде баға 17 наурыздан кейін өсуін жалғастырады. Негізгі мөлшерлемені көтеру кезінде, Совкомбанктің ықтимал сценарийлерінің бірі, мемлекеттен дотация алмайтын компаниялар дефолт жариялауы мүмкін.
Егер Владимир Путин Украинаға қарсы соғысты жалғастыратын болса, Совкомбанк Ресей билігі наурыз айында өтетін президенттік сайлаудан кейін экспорттаушылардың валюталық түсімдерін міндетті сату талабын жеңілдетеді немесе алып тастайды деп болжап отыр. Бұл доллардың 200 рубльге дейін көтерілуіне алып келеді. Бірақ билік валюталық кіріс бойынша шектеулерді алып тастамаса, экспорт көлемі қысқарып, рубль құлдырайды.
Совкомбанк ОПЕК + мұнай экспорттаушы елдер ұйымы ыдырайтын болса, мұнай бағасы бір баррель үшін 40 долларға дейін төмендейді деп болжап отыр. Аталған ұйым ыдырмаған күннің өзінде, жақында мұнай бағасы 40 долларға дейін төмендеген болатын. Ал араб елдері шикізатты белгілі бір бағадан төмен бағаға сата алмайтын тәуелсіз сатушылардан құтылу үшін өз мұнайының бағасын түсіріп отырады. Украинаға жасалған шабуыл және кейіннен мұнай бағасының көтерілуі АҚШ-тан сланец мұнайын өндірушілерді өндірісті ұлғайтуға және шикізаттың осы түрінің құнын төмендетуге итермеледі. Таяу Шығыстан мұнай экспорттаушы елдер үшін бұл қауіп төндіреді, сондықтан 2024 жылы олар өндіру көлемін уақытша арттырып, осылайша көмірсутек нарығынан америкалық бәсекелестерінен құтылу үшін бағаны едәуір төмендетуі таң қаларлық жайт емес.
Софткомбанк өкілдері даниялық Saxo Bank стилінде болжам жасауға тырысты. Бірақ Ресей үшін ресейлік банктің болжамы шынайы болып көрінеді. 2023 жылы көптеген сарапшылар әр түрлі болжам жасаы. Еуропа құрлығында Екінші дүниежүзілік соғыстан бергі ең ауқымды соғысты бастап, көршілес тәуелсіз елдің аумағына басып кірген Ресей жауапқа тартылуы керек. Батыс санкциялары Ресей экономикасына ауыр соққы болды. Сондықтан Софткомбанктің Ресей үшін 2024 жылға арналған болжамы орындалуы мүмкін. Путин Ресейді жарқын болашақ күтіп тұр деп отыр, бірақ сарапшылардың барлығыны онымен келіспейді. Путин өзі бастаған соғысты тоқтатса ғана, РФ-ның болашағы жарқын болады.