Ресей 2023 жылы жинаған зымырандарымен Украинаға кезекті рет жаппай зымыран шабуылын жасады. Халықаралық қоғамдастық бұл қадамды террористтік акт деп атады. Ресей Федерациясының Украинаға жаппай зымыран шабуылы мейлінше көп адамды өлтіруді көздеп отырғанын көрсетеді. «РФ-ның мақсаты әскери емес, азаматтық нысандар болды. Ресей барынша бейбіт украиндықтарды өлтіру үшін зымыранның барлық түрін, сондай-ақ дрондарды пайдаланды», — деп жазады украиналық басылымдар.
УҚК өкілдерінің мәліметінше, 29 желтоқсанға қараған түні Ресей Украинаға ең ауқымды зымыран шабуылын жасады. 158 зымыран мен әртүрлі үлгідегі ҰҰА ұшырылды, олардың 114-ін украиналық ӘШҚҚ атып түсірді. Аталған шабуыл нәтижесінде 30-дан астам адам қаза тауып, 130-дан астам адам жарақат алды. Түнгі сағат 03:00-де РФ 18 бомбалаушы ұшақты ұшырды, олар кем дегенде 90 бірлік X-101/X-555/X-55 қанатты зымырандарын ұшырды. Таңғы сағат 05:00-те Курск облысынан Ту-22М3 бомбалаушы ұшағы 8 бірлік Х-22/Х-32 қанатты зымырандарын, сонымен бірге Харьковқа С-300 кешендерінен зымыран ұшырды.
УҚК спикері Юрий Игнат Ресей «Калибр» қанатты зымырандарынан басқа қолда бар барлық дерлік әуе зымырандарын: «Қанжал», «Shahed», Х-22, Х-32, Х-101, Х-555 зымырандарын ұшырғанын хабарлады.
«Украинаның көптеген қалаларында ресейліктер жасаған шабуылдардың мақсаты перзентханалар, сауда орталықтары, мектептер, қоймалар, тұрғын үйлер және т.б. сияқты азаматтық нысандар болды. Ресей террор ел атағына лайықты екенін тағы да растады», — деп батыстық саясаттанушылар болып жатқан оқиғаларға түсінік берді.
УҚК Феодосияда «Новочеркасск» ірі десанттық кемесін жойғаннан кейін Украина қалаларына жаппай зымыран шабуылын жасады. Аталған кеме әскери болған және БАҚ-тың мәліметі бойынша, Ресей әскерлеріне оқ-дәрілер тасымалдап бара жатқан. «Кемеге шабуыл әскери мақсатта жасалды, оны жою соғыс жүргізу ережелеріне қайшы келмейді және халықаралық құқықты бұзбайды, ал Ресей әскерінің Украина қалаларына лаңкестік шабуылдары соғыс жүргізсу қағидасын анық бұзады», — деп атап өтті құқық саласындағы сарапшылар.
30 желтоқсанға қараған түні УҚК жаппай шабуыл жасады. Атап айтқанда, Брянск қаласындағы жауынгерлік зымыран кешендеріне арналған электронды жиынтықтар шығаратын «Кремний Эл» зауыты, сондай-ақ «КСРО-ның 50 жылдығы атындағы Брянск химия зауыты» шабуылға ұшырады. Украиналықтар Белгород, Тула, Тверь және Мәскеуде орналасқан нысандарға шабуыл жасады. Жалпы, УҚК 70-тен астам ұшқышсыз басқарылатын ұшақтарды ұшырды. Украиналық басылымдар бұл шабуыл ресейлік жаппай зымыран атқылауына жауап болды деп хабарлады.
Ресей Федерациясының Қорғаныс министрлігі «Брянск, Орлов, Курск және Мәскеу облыстарының аумақтарынан 32 украиналық ұшқышсыз ұшу аппараты атылып түсірілгенін» хабарлады. Сарапшылар бұл ақпаратқа қатысты былай деп түсініктеме берді: «Егер РФ аумағының аспанында 32 украиналық ұшқышсыз басқарылатын ұшақ атып түсірілген болса, онда кем дегенде 38 ұшқышсыз ұщақ нысанаға дәл түсті».
Брянск тұрғындары «Кремний Эл» зауытында жарылыс болғанын растады. 30 желтоқсан күні кешкісін Белгородқа кезекті рет жаппай зымыран шабуылы жасалды. «РБК-Украина» басылымы Украинаның арнайы қызметтеріндегі дереккөздерге сілтеме жасай отырып, «УҚК Ресейдің Днепр, Харьков, Одесса және басқа да украиналық қалаларға жасаған террорлық шабуылына қарымта шабуыл жасады» деп жазды.
«Ресей Украина аумағына басып кіргелі бері азаматтық нысандарға жүйелі түрде зымыран шабуылын жасап келеді. Әскери қимылдар барысында бейбіт тұрғындар қаза тауып, жарақат алып жатыр. Ресейлік онлайн-мессенджерлер мен әлеуметтік желілерде әрбір шабуылдан кейін ресейліктер өз армиясын жарыса мақтай бастайды. Алайда заңсыз салынған және заңды әскери мақсат болып табылатын Қырым көпіріне немесе «Мәскеу» крейсеріне соққы жсаалғаннан кейін Украинамен шекаралас қалалардағы әскери зауыттарға кек аламыз деп қорқыта бастады. Сыни ойлай алмау мен қалыптасқан жағдайды қабылдамау Ресейді Путин бастаған соғыстың зардабынан құтқара алмайды», — деп жазады украиналық саясаттанушылар.