Қазақстан мен Қытай арасындағы шекарада ҚР Тәуелсіздік күніне байланысты өткізу пункттерінің жұмысында өзгеріс болады. ҚР Қаржы министрлігі Мемлекеттік кірістер комитетінің баспасөз қызметінің хабарлауынша, автомобиль өткізу пункттері 2024 жылғы 16-17 желтоқсанда және 1-2 қаңтарда жұмыс істемейді.
Бұл шекарадағы теміржол өткізу пункттері қалыпты режимде жұмыс істейді. Алайда, автомобиль өткізу пункттері арқылы жүк автокөлік құралдарын өткізу «CarGoRuqsat» автоматтандырылған электрондық кезек жүйесінде өткізу күнін брондау арқылы жүзеге асырылатынын назарларыңызға саламыз.