Қазақстан Президенті Қасым-Жомарт Тоқаев елде насыбай ататындарға қатысты алаңдаушылық білдірді. 2024 жылғы 15 наурыздағы Ұлттық құрылтайдың үшінші отырысы барысында ол бұл денсаулыққа зиян және ұят әдеттердің бірі екенін атап өтті.
Президент 2015 жылы насыбайды өндіру мен таратуға тыйым салынғанын, алайда бұл әлі күнге дейін жалғасып жатқанын атап өтті. Насыбайдың құрамында түрлі ауруларды, оның ішінде қатерлі ісікті қоздыратын заттар бар.
Президент технология мен жасанды интеллект қарқынды дамыған заманда де қазақстандықтар аузына насыбай салып, қақырып түкіріп жүретінін айтты.
«Бұл — масқара. Мәдениетсіздік! Осы жағымсыз қылықты ата дәстүрі санайды. Жалпы насыбай өндіріп, таратқаны үшін заң жүзінде белгіленген жауапкершілік тым төмен. Қазір осыған қатысты заңдарға түзету енгізу мәселесі қарастырылып жатыр», — деп түйіндеді сөзін Тоқаев.