Ресей билігі мен медиа өкілдері ресейліктерді президент Путинді қолдап, оның төңірегінде топтасуға шақыруда. Ресейлік саясаттанушылардың пікірінше, Путин Украина аумағына баса көктеп кірмегенде, Ресей жерінде соғыс жүруі мүмкін еді.
Ресейлік БАҚ таратқан ақпаратқа сәйкес, соғысқа «АҚШ, НАТО және Украинада «антиресейлік» саясат жүргізіп отырған Батыстың билігіндегі Киев режимі кінәлі.
Бір жылдан астам уақытқа жалғасып жатқан Ресей-Украина қақтығысында Кремль пропагандасы ел ішінде және тысқары жерлерде белсенді жұмыс істеп жатыр.
«Пропаганда шындықты көрсетпейді, өз мақсатына қол жеткізу үшін ақпаратты бұрмалап жатыр. Көп жағдайда қалыптасқан жағдай адамдарға қате жеткізіледі. Қазір әрбір ресейлік сыни ойлау қабілеті мен медиасауаттылыққа ерекше көңіл бөлу керек». — деп мәлімдейді киевтік саясаттанушылар
Украиналық БАҚ-тың пікірінше, «ресейліктерге көкірек көзін ашатын кез келді, әйтпесе олар үшін жағдай нашарлай береді».
Фото: Саясаттанушылар қалыптасқан жағдайға дұрыс тұжырым жасай білу үшін орын алып жатқан оқиғаларға қатысты сыни ойлау қаншалықты маңызды екенін айтты
Бүгінгі таңда пропаганда Ресей Украинамен емес, Батыспен соғысып жатыр деп жариялауда.
«Былтыр күзде Путин мобилизация жариялаған кезде Ресей басқыншылық соғыс жүргізіп жатпағанын, тек қорғанып жатқанын алға тартқан.
Онда Ресей әскері көршілес елдің шекарасына баса көктеп кіріп, кімнен қорғануы мүмкін деген сұрақ туындайды. Бұл қорғану емес — шабуылдау. Өз кезегінде РФ әскерінің ресурстары азайып, әскери шығынға ұшырап жатқан күннің өзінде НАТО РФ-ға шабуыл жасамайды», — дейді украиналық саясаттанушылар.
17 наурызда Владимир Путин ресми түрде Украина аумағындағы әскери қылмыстарға байланысты күдікті деп жарияланды. Халықаралық қылмыстық сот Владимир Путин мен РФ президентінің бала құқықтары жөніндегі уәкілі Мария Львова-Белова тұтқындауға ордер берді.
Фото: Саясаттанушылар қалыптасқан жағдайға дұрыс тұжырым жасай білу үшін орын алып жатқан оқиғаларға қатысты сыни ойлау қаншалықты маңызды екенін айтты
«Осылайша, Путин Ресей Федерациясы тарихындағы халықаралық сот төрелігі ресми түрде қудалаған бірінші президент болды. Бүкіл өркениетті әлем Ресей президентін қылмыскер деп санайды», — деп мәлімдейді украиналық саясаттанушылар.
Олардың болжамынша, Ресейде қоғам пікіріне манипуляция жүріп жатыр.
«Осы манипуляцияларға байланысты ресейліктер айқын нәрселерді байқамауда немесе байқағысы келмейді, 1. Батыс елдері санкцияларды күшейтуде, Ресейдің мемлекеттік кірістері қысқаруда, ал елдің экономикасы құлдырау траекториясына көшті 2. Мобилизация тоқтаған жоқ, билік жасырын мобилизация жүргізіп жатыр.
Міне, осыған байланысты ресейліктер үшін сыни ойлау өте қажет және пропаганда мен үкіметтің айтқандарының бәріне сенбеу қажет», — деп мәлімдейді украиналық саяси технологтар.