Қазақстанда орын алып жатқан оқиғалар «Ирония судьбы, или С легким паром» деген фильмнің бас жағындағы сюжетке ұқсап барады. Қазақстанның барлық шаһарларында болмаса да, көптеген қалаларында Әл-Фараби, Абай, Абылай Хан көшелері бар.
Белгілі бір калькамен сәйкес келмейтін барлық атаулар өзгертілуі тиіс деген құпия тапсырма беріліп жатқан сыңайлы.
Павлодар билігі тағы 30 көшенің атауын өзгертуді жоспарлап отырғанын айтты. Ұсынылып отырған атаулар креативтілігімен ерекшеленбейді. жатқан Осы бастаманы формальды түрде, туып-өскен өлкеге сүйіспеншіліксіз жылдам аяқтауды көздеп отырған сияқты көрінеді.
«Атауы өзгертуді жоспарланып отырған көшелердің саны 30 болуы міндетті емес: саны осыдан көп немес аз болуы мүмкін. Жеке тұлғалардан, қоғамдық бірлестіктердің өкілдерінен, соның ішінде Павлодар қаласы мен облыстың шығармашыл және ғылыми зиялы қауымдардан, республиканың басқа өңірлерінен көптеген өтініштер мен ұсыныстар келіп түсуде. Бір жылдан астам уақыт бойы қайта атауға мораторий жасалды, өтініштер қаралмады. Қазір олар қаралуы тиіс. Павлодар қалалық мәслихаты облыс орталығының кейбір көшелерін қайта атау бойынша ашық тыңдау өткізеді. Оған облыстың әрбір тұрғыны қатыса алады», — деді дүйсенбі күні Павлодар облыстық мәдениет, тілдерді дамыту және мұрағат ісі басқармасының басшысы Самал Бегалинова.
Бұған дейін әлеуметтік желілерде Павлодарда атауы өзгеруі мүмкін 30 көшенің тізімі пайда болған.
Бегалинова атап өткендей, бұл тізім нақты емес, қоғамдық тыңдаулардан кейін олар ҚР Үкіметі жанындағы республикалық ономастикалық комиссияға жіберіледі, егер комиссия оң шешімі шығаратын болса, Павлодар облыстық мәслихатының сессиясында осы мәселе көтеріледі.
Павлодарда Мира көшесін Олжабай батыр, Павлов — Бауыржан Момышұлы, Роза Люксембург — Хиуаз Доспанова көшесі деп өзгерту, ал Набережная көшесіне Әл-Фараби есімін беру ұсынылды.