Лауазымдық өкілеттігін асыра пайдаланғаны үшін сотталған Павлодар облысының бұрынғы әкімі Болат Бақауовқа шыққан үкімнің күші жойылды. Бұл туралы Павлодар қаласының № 2 сотының баспасөз қызметі хабарлады. Үкімнің күшін жоюға қылмыстық іс аясында анықталған жаңа мән-жайлар себеп болды.
Павлодар облысы прокуратурасының Экономикалық тергеу департаменті 2020 жылғы мамырда үкім шығарған кезде судьяға белгісіз болған жаңа мән-жайларды келтіріп, істі қайта бастау туралы сотқа талап-арыз түсірді. Тергеу барысында сотталған азаматтың ЖШС-іне қосымша есептелген салықты азайту мақсатында лауазымдық өкілеттігін асыра пайдаланғаны үшін кінәлі деп танылғаны анықталды, соның салдарынан салық төленбеген.
Алайда, 2020 жылы үкім шығарылғаннан кейін сараптама қорытындысымен расталған қылмыстық құқық бұзушылық құрамының болмауына байланысты ЖШС салықтарды төлемеу туралы іс тоқтатылды. Сонымен қатар, қосымша салықты есептеу туралы хабарлама заңсыз деп танылып, істің тоқтатылуына байланысты күші жойылды. Осылайша, оны одан әрі жазалауға себеп болған жоқ.
Сот прокурордың өтінішімен келісіп, Қылмыстық іс жүргізу кодексінің 505-бабы негізінде Павлодар қаласының № 2 соты үкімінің күшін жойды. Қылмыстық іс қылмыстық құқық бұзушылық құрамының болмауына байланысты тоқтатылды. Қаулы заңды күшіне енген жоқ, Болат Бақауов осы жылдың қараша айының соңында жазасын өтеп шыққанын атап өткен жөн.