Норвегия Украинаға «Мистраль» ЗЗК-ны сыйлады.
Ел үкіметі бұл тиімді қару УҚК-не «мол пайда әкелетінін» атап өтті.
Бұл туралы Қорғаныс министрі Бьорн Арильд Грам мәлімдеді, деп хабарлады Норвегия үкіметінің баспасөз қызметі.
Министрдің айтуынша, Украинадағы соғыс ұзаққа созылуы мүмкін, ал мемлекет РФ-ға қарсы тұру үшін халықаралық қолдауға зәру. Осыған байланысты Норвегия билігі Украинаға «Мистраль» ЗЗК-ны сыйлау туралы шешім қабылдады, деді ол.
«Мистраль» ЗЗК — флотта қолданылып жүрген тиімді қару. Зымырандарды Норвегия Қарулы Күштері өндірістен шығарады, бірақ бұл әлі де болса Украинаға мол пайда әкелетін заманауи және тиімді қару», — деп атап өтті Грам.
Үкіметтің баспасөз қызметі атап өткендей, үкімет елдің ҚК қорларынан 100-ге жуық зымыран мен «аз мөлшерде ұшыру қондырғыларын» сыйлады.
«Бұл Қарулы Күштер алмастыруды жоспарлап отырған әуе шабуылына қарсы қорғаныс түрі. Сондықтан зымырандарды сыйға беру ұлттық қорғаныс әлеуетіне елеулі әсер етпейді», — делінген хабарламада.
Mistral төмен ұшатын тікұшақтар мен ұшақтарды зақымдауға арналған инфракызыл пассивпен жабдықталған. Бұл ретте зымыранның ең жоғары жылдамдығы — 800 м/с, ал атыс қашықтығы — 500-ден 6 мың метрге дейін барады.
Бұған дейін Ұлыбритания Қорғаныс министрі Бен Уоллес мемлекет Украинаға тасымалды Starstreak зениттік-зымыран кешендерін жеткізіп отырғанын мәлімдеген болатын.