Британдық генерал үшінші дүниежүзілік соғыс қаупі туралы ескертті
Ұлыбритания қорғаныс штабының басшысы генерал Ник Картер Sky News-ке берген сұхбатында коронавирус пандемиясына байланысты жаһандық қауіп-қатерлер туралы ескертті.
Ол өткен экономикалық дағдарыстар қауіпсіздік дағдарыстарына әкеп соқтырғанын атап өтіп, оқиғалардың мұндай дамуы әлемдік экономикаға келтірген залал аясында қайталанатындығына алаңдаушылық білдірді.
Картер әлемдегі көптеген аймақтық қақтығыстарды ескере отырып, кімде-кімнің жаңсақтығы ауқымды салдарға әкеп соқтыруы мүмкін жағдайдың туындау қаупі бар екенін атап өтті.
Осы сөздерден кейін журналист үшінші дүниежүзілік соғыс қаупі туралы айтып отыр ма, жоқ па деп сұрады.
«Мен тек қауіп барын және оны ескеру керек екенін айтып отырмын», — деп атап өтті генерал, олардың қайталануына жол бермеу үшін бұрыңғы жаһандық қарсылықтардың құрбандарын есте алуға шақырды.