АҚШ Мемлекеттік департаменті Кремль Украина аумағындағы соғыс қимылдарын тоқтатқан жағдайда Ресеймен байланыстарды ішінара қалпына келтіру мүмкіндігін жоққа шығармайтынын мәлімдеді.
Сонымен қатар, Вашингтонның пікірінше, қарым-қатынасты қалпына келтіру үшін Ресей басқа да бірқатар шарттарды орындауы тиіс.
Сәрсенбі күні журналистерге арналған брифингте Мемлекеттік департаменттің баспасөз қызметінің басшысы Дональд Прайс осылай деп мәлімдеді.
«Санкциялар — мақсатқа жету құралдары. Санкциялар саясаттың міндеттерін орындауға арналған», — деп жауап берді ол Вашингтонның Украина аумағындағы ұрыс қимылдары тоқтатылған жағдайда Ресейге қарсы шектеу шаралары алынып тастала ма деген сұраққа жауап ретінде.
Дипломаттың айтуынша, «қазір бұл санкциялардың мәні Ресейді Украинадағы әскери іс-қимылдарға байланысты шығынға ұшырату». Прайс АҚШ соғысты тоқтатуға, сондай-ақ Украинаның егеменді, тәуелсіз және еркін қылуға қол жеткізу екенін айтты. Прайстың айтуынша, АҚШ «Украинада соғыс басталғанға дейінгі секілді Ресей халқымен қарым-қатынасты бірте-бірте қалпына келтіргісі келеді».
Ол сондай-ақ мынадай мәлімдеме жасады: «Ресей Украинада стратегиялық жеңіліске ұшырады, оны ештеңе өзгерте алмайды».