Франция әлеуметтік желілерде өшпенділікті қоздырған адамдарды ұстауды жалғастыруда. Жаппай іс-шаралар Париж түбінде мұғалім өлтірілгеннен кейін басталды. «Желіде өшпенділіктің таралуы» фактілері бойынша 84 қылмыстық іс ашылды, мұғалімді өлтіргендерге қатысты тергеу жүргізілуде.
Естеріңізге сала кетейік! Француз полициясы Конфлан-Сент-Онорин қаласында (Ивелин департаменті) мектеп мұғалімін лаңкестікпен өлтіргеннен кейін ондаған адамға қатысты жедел іс-шаралар жүргізуде.
Интернетте шабуыл жасаушының әрекетін қолдайтындардың жарияланымдарын тергеуде. Бұл туралы дүйсенбі күні ішкі істер министрі Жеральд Дарманен Europe 1 радиосында сөйлеген сөзінде мәлімдеді.
«Париж маңында мұғалімді өлтіріді. Макрон оқиғаны теракт деп атады
«Жұма күні кешкісін мұғалімді өлтірген адамның әрекетін қолдағандарға қатысты «желіде өшпенділіктің таралуына» байланысты 84 тергеу басталды. Кешеден бері ұстау жалғасуда. Он шақты адамға қарсы полиция операциялары жалғасуда», — деді ол.
«Әлеуметтік желілердегі өшпенділікті жою бойынша белсенді жұмысты жалғастыруымыз керек, — деп атап өтті министр. — Олар мұғалімге қарсы пәтуа жариялағаны анық. Бүгін ол — мұғалім, ертең — полиция қызметкері, арғы күні — журналист».
16 қазан күні кешке Конфлан-Сент-Онорин қаласында (елордалық Иль-де-Франс аймағы) 47 жастағы мұғалімге өзі тарих пәнінен сабақ беретін мектептің жанында шабуыл жасалды.. Шабуылшы оның тамағын кесіп тастады. Қаскүнем оқиға орнына келген полицейлерді қорқытуға тырысты, бірақ оны атып өлтірді.