Қазақстан Президентінің Ұлттық құрылтай отырысында айтылған тапсырмаларының орындалуын талқылау шеңберінде ел үкіметі инфрақұрылымды жаңғырту жөніндегі іс-қимыл жоспарын жариялады.
Негізгі бағыттар төмендегілерді қамтиды:
1. ТКШ: жөндеу және жаңғырту
Қазақстан Президенті қолданыстағы 55 жылу көзін жөндеуді және кемінде 6,5 мың шақырым инженерлік желілерді жаңғыртуды тапсырды. Бұл мақсаттарға 650 млрд теңге инвестиция тартылатын болады.
2. Тұрғын үй құрылысы
Кезекте тұрғандар, оның ішінде халықтың әлеуметтік осал санаттары үшін сатып алу құқығымен жалға берілетін тұрғын үй көлемін 4 есе ұлғайтуды жоспарлап отыр. Ол үшін қосымша 272 млрд теңге бөлінеді. Мемлекет басшысының тапсырмасы бойынша Отбасы банкімен бірлесіп, 300 млрд теңге сомасына ипотекалық қарыздар беретін жаңа бағдарлама іске қосылады.
3. Жол инфрақұрылымы
12 мың шақырым автомобиль жолдарын реттеу үшін ағымдағы жұмыстардан бөлек, қосымша 2,5 мың шақырым жолды жөндеу жұмыстарын жоспарлаysп отыр. Бұл мақсаттарды іске асыру үшін шамамен 1 трлн теңге инвестиция бағытталатын болады
4. Газдандыру
Газдандыру желісінің кемінде 1,7 мың шақырымын жаңғырту көзделген, бұл 300 мыңнан астам азаматқа көгілдір отынды қолжетімді етеді. Бұл мақсатқа 195 миллиард теңге бағытталады.
Қазақстан Премьер-Министрі Олжас Бектенов Үкімет қызметі тиімділ әрі нәтижелі болу керек екенін атап өтіп, жобаларды уақытылы іске асыруды қамтамасыз ету мақсатында 1 сәуірге дейін қаржыландыру кестесін ұсынуды тапсырды.