2021 жылы Қазақстан Ұлттық қорынан қоғамның тәртібі мен қауіпсіздігіне 19,7 млрд теңге бөлуді көздейтін Мемлекет басшысы Жарлығының жобасы дайындалды. Бұл туралы ашық дереккөздерден белгілі болды
«Қазақстан Республикасының Ұлттық қорынан республикалық бюджетке 2021 жылға арналған мақсатты трансферт бөлу (…), оның ішінде: 9) қоғамдық тәртіпті сақтау және қауіпсіздік – 19 738 187 мың теңге», – делінген президенттің «2021 жылға арналған Қазақстан Республикасының Ұлттық қорынан мақсатты трансферт бөлу туралы» Жарлығы жобасында. Бұл Қазақстан Республикасы Президентінің 2020 жылғы 6 қазандағы No 429 Жарлығына өзгерістер енгізу туралы бұйрығында айтылған.
Үкімет жарлық жобасын мемлекет басшысының қарауына енгізу туралы қаулыға қол қойды. Жобаға сәйкес, Ұлттық қордан 2021 жылға арналған мақсатты трансферт шамамен екі есеге — 1,85 трлн теңгеге дейін ұлғайтылады.