Қазанның соңғы жексенбісінде Қазақстан әлеуметтік қорғау жүйесінің қызметкерлері күнін атап өтті. Елімізде әлеуметтік қызметкерлер саны шамамен 12 мың адам. Өткен жылы Еңбек және халықты әлеуметтік қорғау министрлігі әлеуметтік қызмет көрсету жүйесінде білікті кадрлардың тапшылығын мойындады. Шенеуніктердің пікірінше, мұндай жағдайдың басты себебі — жүктеме деңгейі мен жұмыс сипатына сәйкес келмейтін жалақының төмендігі. «Әлеуметтік қызметкерлер контингенттің ерекшелігіне байланысты жоғары психоэмоционалдық жүктемені сезінеді», — деп мойындады министрлік, оларға 2020 жылдың 1 қаңтарынан бастап қосымша ақы белгілеу қажеттігін негіздеді.
Қазақстандық БАҚ деректеріне сәйкес, 12 мың әлеуметтік қызметкердің 5,8%-ның тиісті кәсіби біліктілігі бар. Бұл ретте 2019/20 оқу жылында әлеуметтік жұмыс бойынша кадрлар даярлауға арналған мемлекеттік тапсырыс техникалық және орта білімнен кейінгі білім беру деңгейінде 270 орынды және жоғары және жоғары оқу орнынан кейінгі білім беру деңгейінде 110 орынды құрады. Бейінді мамандықтар тізіміне «әлеуметтік жұмыс жөніндегі маман», «халықты әлеуметтік қорғау ұйымдарындағы маман» және «Әлеуметтік жұмыс» деп аталатын бағдарламалар тобы сияқты біліктілік кіреді.
Сонымен қатар, арнайы әлеуметтік қызметтерді шамамен 122 мың қазақстандық алады. Көбі үйден алады. Алматыда мұндай әлеуметтік көмекті 3,5 мыңға жуық адам пайдаланады. Олардың басым көпшілігі — 2,5 мыңға жуығы — жалғызбасты зейнеткерлер мен мүмкіндігі шектеулі жандар.
Әлеуметтік қызметкерлер орындайтын қызметтер тізімі айтарлықтай кең. Олар көбінесе тұрмысқа қатысты: киім киюге, тамақ ішуге, қозғалуға, қырынуға,хат жазып, оны оқуға көмектесу. Әлеуметтік қызметкерлер бірінші кезекте қажетті азық-түлік сатып алуға, пеш жағуға, отын, көмір және су жеткізуге көмектеседі.
Бұдан басқа, әлеуметтік қызметтер тұрғын үйді жөндеуді ұйымдастыруды, дәрігерге дейінгі медициналық көмекті, медициналық ұйымдарға және әлеуметтік қорғау органдарына апару қарастырылған. Балаларға әлеуметтік қызметкерлер білім алуға, мүмкіндігі шектеулі жандарға жұмысқа орналасуға көмектеседі. Сондай-ақ, қызметтер тізбесіне құқықтық көмек пен мәдени іс-шараларға қатысу кіреді. Егер әлеуметтік қызметкер өзінің қамқорлығындағы адамға қатысты психологиялық немесе физикалық зорлық-зомбылықтың куәсі болса, ол бұған құқық қорғау органдарының назарын аудартуға тиіс.
Әлеуметтік қызметкерлерге қосымша төлемдер 15-тен 40%-ға дейін, кейбір жағдайларда — 60%-ды құрады. Бұл қызметкердің жұмыс түріне және біліктілігіне байланысты. Еңбек және халықты әлеуметтік қорғау министрлігінде жалақыны көтеру арқылы осы салаға білікті кадрларды тартуға және ағымды төмендетуге үміттенеді.