Петропавлда Владимир Ильич Лениннің қола ескерткіші сатуға қойылды. Монументтің биіктігі — 3,5 метр.
Қола соғылған мүсінді сату туралы хабарландыру OLX сайтында жарияланды. Бұл туралы жергілікті БАҚ хабарлайды.
Ескерткіш иесінің айтуынша, ескерткіштің салмағы 1400 келі.
Басылымның жазуынша, ескерткіштің иесі мұндай құнды жәдігерді қайдан алғанын айтудан бас тартып, мүсінді түрлі-түсті металл сынығы ретінде емес, тарихи ескерткіш ретінде сататынын хабарлады
Ленин ескерткішінің бағасы 1 600 000 тг көлемінде деп тұр, бірақ хабарландыру мәтінінде сома рубльмен есептелетіні көрсетілген. Ұлттық валютаға аударғанда — бұл шамамен 9 млн теңге (8 830 208тг.).
Ескерткіштің астында «КСРО Көркемсүрет Қоры, Мытиши көркем құю зауыты» деген жазба бар.
Владимир Ильич Ленин — революционер, марксист, КСРО негізін қалаушы.