Жақын арада Ақтөбе облысында ғұндар дәуірін зерттеуге арналған 14 ауқымды археологиялық экспедиция басталады. Соңғы бес жылда ғалымдар осы кезеңнің 400-ге жуық ескерткішін ашып, небәрі үш ауданның аумағын зерттеді.
2023-2025 жылдарға арналған өңірдің мәдени мұрасын зерделеу, сақтау, жаңғырту және дәріптеу жөніндегі Жол картасы шеңберінде зерттеу топтарының жұмыстарын үйлестіру бойынша жұмыстар жүргізілетін болады. Жұмысты А.Х. Марғұлан атындағы археология институтының мамандары үйлестіреді.
Жоба шетелдік ғалымдармен, соның ішінде Ыстамбұлдың Yeditepe университетінің профессоры Ахмет Ташағылмен бірлесіп жүзеге асырылады.
Ол ғұндардың көші-қоны мәселесі қызықтыратынын атап өтті, сондай-ақ ғұндардың батысындағы астанасы қазіргі Ақтөбе қаласының аумағында орналасқан деп болжауда. Табылған артефактілерді зерттеуде Венгрияның жаратылыстану ғылымдары мұражайы да көмектеседі.