Еңбек және халықты әлеуметтік қорғау министрлігі шетелде тұратын этникалық қазақтарға «Ата жолы» картасын ұсыну ережесіне бірқатар өзгерістер енгізді. Жаңа ережелер бойынша картаны ұсыну «Азаматтарға арналған үкімет» мемлекеттік корпорациясының құзыретіне кірмейді және Қазақстанның шетелдегі мекемесі мен «E-Qonaq — Qutty meken» мобильді қосымшасы арқылы жүзеге асырылады.
Негізгі жаңашылдықтар:
Азаматтарға арналған үкімет мемлекеттік корпорациясының құзыретінен картаны ұсыну алынып тасталды.
«Қандас» ААЖ арқылы ҚР аумағында өтініш беруші туралы компроматтық мәліметтердің болуына тексеру жүргізу.
Ішкі істер органдарының аумақтық бөлімшелеріне және ұлттық қауіпсіздік органдарына сұрау жіберу.
Енді осы органдардың аумақтық бөлімшелері бес жұмыс күні ішінде өтініш беруші туралы компроматтық мәліметтердің болуы немесе болмауы туралы ақпаратты ұсынады. ЖСН генерациядан өткеннен кейін халықты әлеуметтік қорғау және жұмыспен қамту жөніндегі жергілікті атқарушы орган үш жұмыс күні ішінде «Ата жолы» картасын ұсыну немесе ұсынудан бас тарту туралы шешім қабылдайды.
Өтініш берушіге шешім туралы «Құтты мекен» АЖ арқылы хабарланады. Егер өтініш берушіде кір келтіретін ақпарат болмаса, карта белгіленген нысан бойынша беріледі. Олай болмаған жағдайда жергілікті атқарушы орган бас тарту себептері туралы өтініш берушіні хабардар етуі қажет.
Құжатқа енгізілген өзгерістер 18 наурызға дейін Ашық НҚА сайтында қоғам талқысына түседі.
Биыл 14 шілдеден бастап этникалық қазақтарға «Ата жолы» картасы қолжетімді болды.