Блогер әрі тележүргізуші Анастасия Ивлеева шоу-бизнес жұлдыздарының концерттер мен басқа да іс-шараларының өткізілмеуіне себеп болған даулы кеш өткізгені үшін кешірім сұрады. Әлеуметтік желіде жариялаған соңғы видеосында қателігін мойындап қана қоймай, оқырмандары мен әріптестерінен кешірім сұрады.
Ивлеева өзіне қарсы айтылып жатқан сыни пікірлерді ауыр қабылдап, кез келген жағдайға дайын екенін айтты.
Ивлеева өзі ұйымдастырған кешке қатысқан жұлдыздарға екінші мүмкіндік беруді сұрады. Филипп Киркоров, Лолита, Дима Билан және Ксения Собчак жалаңаш кешке қатысқаны үшін кешірім сұрады. Ивлеева осы жағдайға түсіністікпен қарауға шақырып, бұл оған сабақ болғанын айтты.