Хельсинкиде Rise Up for Rojava атты қоғамдастықтың ұйымдастыруымен антитүркиялық демонстрация өтті.
Полицейлердің пікірінше, оған қатысушылар Түркия президенті Режеп Тайып Ердоғанды қорламақ болған. Тәртіп сақшылары олардан түрік көшбасшысы бейнеленген тұлыпты тәркіледі.
Бұл оқиға түрік БАҚ беттері мен әлеуметтік желілерде наразылық тудырып, олар мемлекет басшысын қорлауды айыптады.
Хельсинки полиция инспекторының айтуынша, Қылмыстық кодекстің «Ар-намысты қорлау» бабы бойынша қылмыстық іс қозғалды.
Алайда, демонстрация тұлып тәркіленгеннен кейін ешқандай зорлық-зомбылықсыз өтті, дегенмен қатысушылардың біріне түрік елшілігіне жақындағаны үшін айыппұл салынды. Rise Up for Rojava бүкіл әлемде күрдтердің атынан наразылыққа шығып, түрік үкіметіне қарсы демонстрациялар өткізеді және күрд халықтарын қолдайды.
Қаңтар айында олар Ердоғанның тұлыбын Стокгольм мэриясы ғимаратының алдына іліп қойған, бұл жұртшылықтың назарына ілікті.