Жапондық бұқаралық ақпарат құралдары бұрыннан бері дауы болып келген Сенкаку аралдарына Қытайдың туларымен көтерілген кемелер жақындағанын хабарлады.
Атап айтқанда, 2020 жылғы 28 тамыз, жұма күні ҚХР-дың екі патрульдік кемесі Токио мен Пекин арасындағы аумақтық даудың нысанасы болып табылатын Сенкаку (Дяоюйдао) аралдары маңындағы аймаққа кіргені туралы айтылды.
Аталған оқиғаға байланысты Жапония премьер-министрінің кеңсесі жанынан ақпаратты жедел жинау және талдау жөніндегі дағдарыс штабы жұмыс істей бастады.
Жапония мен Қытай арасындағы Сенкаку аралдары төңірегіндегі аумақтық дау 2012 жылдың қыркүйек айында Токио жеке меншік иелерінен арал сатып алу туралы жариялағаннан кейін шиеленісіп кетті. Бұдан кейін ҚХР-да жаппай антижапондық демонстрациялар өтті. Содан бері қытай кемелері үнемі даулы аралдарға жақын жүріп, ара-тұра жағалаулық аймаққа кіреді.