АҚШ Қаржы министрі Джанет Йеллен, Конгресс Киевке қосымша қаржылай көмек бөлуді мақұлдамаса, Украина үшін ықтимал қайғылы салдар болатынын ескертті. Йеллен Мексикаға сапары барысында қажетті қаржыландыру бөлінбесе, АҚШ Украинаның тағдыры үшін жауапты болатынын атап өтті.
«Жағдай күрделі, Украинаға қажетті қаржыландыру, оның ішінде тікелей бюджеттік қолдау көрсетпесек, ол үшін өзімізді жауапты деп есептейміз», — деп атап өтті Йеллен.
Қаржы министрі «Украинаның ақшасы таусылып жатқанына» алаңдаушылық білдірді. Оның айтуынша, Киев әр центті әскерилердің жалақысына жұмсауда және мектептерді, ауруханалар мен төтенше қызметтерді қолдау үшін қаржылай көмекке мұқтаж.
Осы жылдың қазан айында АҚШ әкімшілігі Конгресске Украинаға көмек көрсету үшін қосымша бюджеттік қаржы бөлуді сұраған болатын. Алайда бұл сұраныстың алдағы тағдыры белгісіз күйде болып отыр және Конгрестің кейбір мүшелері Украинаға қаржылық көмек көрсетуге қатысты қарама-қайшы пікірлер айтуда.