Қазақстан қор биржасының (KASE) деректері бойынша доллар бағамы теңгеге қатысты күрт өсті.
Күндізгі сауда-саттықтың қорытындысы бойынша доллардың орташа сараланған бағамы 4,05 теңгеге көтеріліп, 463,55 теңге болды. Айта кетейік, Ұлттық банктің 19-21 қарашадағы ресми бағамы бір доллар үшін 459,04 теңге.
Қазіргі таңда Алматыдағы ақша айырбастау орындарында долларды сатып алудың орташа бағамы 463,31 теңге, сату бағамы 467,03 теңге. Астанадағы ақша айырбастау орындарында америкалық валютаны орта есеппен 463,91 теңгеден сатып алып, 466,04 теңгеден сатады.