Қазгидромет дауыл жақындап келе жатқанын хабарлады. 2021 жылғы 30 сәуір күні Шымкентте және Қазақстанның алты өңірінде дауылды ескерту жарияланды.
«Қазгидромет» РМК мәліметінше, 30 сәуірде таңертең және күндіз Түркістан облысының кей жерлерінде найзағай ойнайды, шаңды дауыл соғады, солтүстік-батыстан 15-20 м/с жылдамдықпен жел соғады, екпіні 25 м/с жетеді. Шымкентте күндіз найзағай ойнайды, солтүстік-батыстан жел соғады, екпіні 15-20 м/с жетеді. Түркістанда солтүстік-батыстан жел соғады, екпіні 15-20 м/с жетеді.
Солтүстік Қазақстан облысында түнде және таңертең кей жерлерде тұман түсіп, күндіз батыстан 15-20 м/с жылдамдықпен жел соғады, екпіні 23 м/с жетеді. Петропавлда күндіз батыстан 15-20 м/с жылдамдықпен жел соғады, екпіні 23 м/с жетеді.
Қостанай облысында батыстан, солтүстік-батыстан 15-20 м/с жылдамдықпен жел соғады. Қостанайда күндіз батыстан, солтүстік-батыстан 15-20 м/с жылдамдықпен жел соғады.
Қызылорда облысының кей жерлерінде найзағай ойнайды, солтүстіктен соққан жел кей жерлерде 15-20 м/с жетеді. Қызылордада түнде және таңертең күн күркірейді.
Ақмола облысында түнде кей жерлерде 3 градус суық болады деп күтілуде.
Жамбыл облысында 30 сәуір-1 мамыр күндері кей жерлерде найзағай жарқылдап, бұршақ жаууы мүмкін, 30 сәуір-2 мамыр күндері оңтүстік-батыстан солтүстік-шығысқа қарай 15-20 м/с жылдамдықпен жел соғады, 1-2 мамыр күндері екпіні 23-28 м/с жетеді. Таразда 30 сәуір — 1 мамыр күндіз күн күркіреп, бұршақ жаууы ықтимал, 30 сәуір — 1 мамыр күндіз оңтүстік-батыстан солтүстік-шығысқа ауысып, екпіні 15-20 м/с жетеді.