Батыс Қазақстан облысының әкімі Ғали Ысқалиев қоластындағы қызметкері ұсталғаннан кейін сыбайлас жемқорлық туралы барлық хабарламаларды өзінің жеке нөміріне хабарлауды сұрады.
Бұрын жазылған жазбада бағаның өсуінің тағы бір себебі (азық-түлік өнімдеріне бағаның өсуі туралы) сыбайлас жемқорлық болып табылады. Заңсыз және оңай ақша алған жемқор адам тауардың бағасы туралы ойланбай оны оңай жұмсай береді, бұл нарықтағы инфляцияға әкеледі. Жақында мемлекеттік бағдарлама бойынша тұрғын үй салып жатқан кәсіпкерден қала әкімдігінің (Орал қаласы) қызметкері ірі көлемде пара алды деген күдікпен ұсталды.
Құрылыс материалдары мен қызмет көрсету жұмыстарына баға өсіп жатқан жағдайда, біз адал жұмыс істейтін құрылыс компанияларымен бірге құрылыс нысандарын уақытында және сапалы аяқтау үшін қосымша қаражат іздеудеміз. Осындай жұмыстар атқарылып жатқанда мұндай жағдайлар тіркеліп отырса, қатаң шара қолдануды қажет етеді — деп жазды қала басшысы Facebook-тегі парақшасында парақшасында.
«Мен тағы да мемлекеттік жобалармен жұмыс істеп жүрген азаматтарға ескертіп айтамын. Заңсыз ұсыныстарға беріліп, бопсалауға түспеңіз. Мен ешкімге заңсыз нұсқау бермеймін және оны орынбасарларым мен әкімдерден талап етемін. Егер мұндай фактілер болса, менің жеке WhatsApp нөміріме +77017776037 «Сыбайлас жемқорлық» деп белгілеп хабарлауды өтінемін. Мен тергеу барысын және кінәлі тұлғалардың заң бойынша жауап бергенін қадағалайтын боламын!», — деді Ғали Ысқалиев.
Естеріңізге сала кетейік! 13 қазанда Сыбайлас жемқорлыққа қарсы қызмет «Орал қаласы бойынша құрылыс бөлімі» ММ басшысына қатысты тергеу басталғаны белгілі болды, Ол 2020 жылдың қазан айынан бастап 2021 жылдың 11 қазанына дейін «Н»-ның сыбайластығы арқылы ЖШС директоры «Ш»-дан арнайы тәртіпті қолдана отырып мемлекеттік сатып алу шартын жасасуға жәрдем көрсеткен.
«Орал қаласында «Нұрлы жер» мемлекеттік бағдарламасы бойынша жалпы сомасы 2,2 млрд.теңгенің екі тоғыз қабатты тұрғын үйдің құрылысы бойынша орындалған жұмыстардың актілеріне кедергісіз қол қоюға көмектесті. Бөлім басшысы мен оның көмекшісі ұсталып, УҰИ-ға қамалды», — деп хабарлады ҚР Сыбайлас жемқорлыққа қарсы іс-қимыл агенттігінің баспасөз қызметі.