Украина Президенті Владимир Зеленский Түркия Президенті Режеп Тайип Ердоғанмен кездесу үшін Түркияға сапармен баруды жоспарлап отыр. Бұл туралы Түркияның Anadolu мемлекеттік агенттігі мен Hurriyet басылымы хабарлады, кездесу Анкарада өтетінін атап өтті.
Қос ел президенті Украина аумағындағы әскери іс-қимылдардың барысын, сондай-ақ астық дәлізі туралы келісімді ұзартуға және Украина мен Түркия арасындағы екіжақты қарым-қатынастты дамытуға байланысты мәселелерді талқылайды деп күтілуде.
Зеленскийдің сапары ресми түрде жарияланатыны не жарияланбайтыны белгісіз, себебі президенттің қауіпсіздігіне байланысты 2022 жылдан бастап оның бір де бір сапары ресми түрде жарияланбаған.