Алматыда түлектерден бөлек барлық оқушыларда соңғы қоңырау офлайн режимде өтіп жатыр.
«9 және 11 сыныптарға келетін болсақ, олар үшін оқу жылы әлі аяқталған жоқ. Алда оларды қорытынды аттестаттау күтіп тұр. 9 сынып үшін бірінші емтихан 28 мамырда, 11 сынып үшін 1 маусымда басталады. Оларға қорытынды баға қойылғаннан кейін, маусым айының ортасында аттестаттар онлайн-режимде табысталады.
Егер эпидемиологиялық ахуал тұрақтанса, біз «бір сынып — бір линейка» қағидаты бойынша линейкаларды өткіземіз деп күтіп отырмыз. Табыстау рәсімі әр сынып үшін жеке өткізіледі», — деді Медеу білім бөлімінің басшысы Ағайша Сапарова.